ДЭЛХИЙН МОНГОЛЧУУДAA ХАМТДАА НЭРЛЭЦГЭЭЕ!

Монголын Үндэсний өдөр тутмын “Өдрийн шуудан” сонины санаачилгаар мэдээллийн www.top.mn сайт, “Шинэ дэлхий” телевиз, Монгол Улсын Ерөнхий сайдын дэргэдэх Хилийн чанадад амьдарч буй Монгол Улсын иргэдтэй хамтран ажиллах Зөвлөлөөс хамтран XVII жарны баясгалантай хэмээх усан луу жилийн босгон дээр “Дэлхийн монгол-2012” хувь хүн, байгууллагыг нэрлэх гэж байна.

Улиран одож буй туулай жилд ажил үйлс, амжилт бүтээлээрээ Монгол Улсынхаа нэрийг дэлхий дахинаа дуурсгасан хувь хүн, байгууллагыг уламжлал ёсоор нийт монголчуудынхаа саналыг үндэслэн алдаршуулах юм.

Иймд Хилийн чанадад ажиллаж, амьдарч буй залуус Та бүхнийг уг санал асуулгад идэвхтэй оролцож, саналаа өгөхийг уриалж байна.

Та бүхэн дэлхийн тавцанд гялалзсан амжилт гаргасан улс төрч, төр нийгмийн зүтгэлтэн, урлаг, спортын алдартнуудыг нэрлэж, товч тайлбарын хамт бидэнд Энэ и-мэйл хаягийг спамнаас хамгаалж байгаа бөгөөд үзэхийн тулд JavaScript идэвхтэй байх хэрэгтэй. гэсэн цахим хаягаар 2012 оны 3 дугаар сарын 15-ны дотор илгээнэ үү.

Энэ дашрамд өнгөрсөн жил дэлхийд тэргүүлэгч “Майкрософт” компанийн АНУ дахь толгой компанид тасралтгүй 10 гаруй жил ажиллаж, өдгөө тус компанийн компайлар департментийн тэргүүн, программ зохиогч инженерээр ажиллаж буй Л.Бат-Өлзий монгол хүний оюуны чадавхийг дэлхий дахинаа үнэлүүлэн, дэлхийн тэргүүлэх технологийн фронтод амжилттай ажиллаж буй өндөр боловсролтой залуусын маань төлөөлөл болон шалгарч “Дэлхийн монгол” хэмээх эрхэм нэр хүндтэй алдарыг хүртэж байсныг дурдахад таатай байна.