ДЭЛХИЙН МОНГОЛЧУУДAA ХАМТДАА НЭРЛЭЦГЭЭЕ!

Монголын Үндэсний өдөр тутмын “Өдрийн шуудан” сонины санаачилгаар мэдээллийн www.top.mn сайт, “Шинэ дэлхий” телевиз, Монгол Улсын Ерөнхий сайдын дэргэдэх Хилийн чанадад амьдарч буй Монгол Улсын иргэдтэй хамтран ажиллах Зөвлөлөөс  хамтран XVII жарны баясгалантай хэмээх усан луу жилийн босгон дээр “Дэлхийн монгол-2012” хувь хүн, байгууллагыг нэрлэх гэж байна.

Улиран одож буй туулай жилд ажил үйлс, амжилт бүтээлээрээ Монгол Улсынхаа нэрийг дэлхий дахинаа дуурсгасан хувь хүн, байгууллагыг уламжлал ёсоор нийт монголчуудынхаа саналыг үндэслэн алдаршуулах юм.

МОНГОЛ УЛСЫН ЕРӨНХИЙ САЙД С.БАТБОЛДЫН ХИЛИЙН ЧАНАДАД БУЙ МОНГОЛЧУУДДАА ИЛГЭЭСЭН МЭНДЧИЛГЭЭ

Алс хол хүний нутагт ажиллаж, сурч, амьдарч байгаа Монгол ахан дүүс Та бүхнийхээ амар мэндийг айлтгаж, угтан ирж буй шинэ оны мэнд хүргэж, халуун элгэн нутгаас тань Монгол Улсын Ерөнхий сайд миний бие мэндчилж байгаадаа баяртай байна.

Өнгөрөн одож буй 2011 он бол монгол өвөг дээдсийн маань анхлан үүсгэсэн төрт улс Хүннү гүрний 2220, Мянганы суут хүн Чингис хааны байгуулсан Их Монгол Улс байгуулагдсаны 805, Үндэсний тусгаар тогтнолоо сэргээсний 100, Ардын хувьсгалын түүхт 90 жилийн тэмдэглэлт тэгш ойнууд тохиосон манай орны түүхэнд онцгой ач холбогдол бүхий жил байлаа.

Өнөөдрийн Монгол Улс даяаршлын эрин зуунд эх орныхоо тусгаар тогтнол, монгол үндэстнийхээ баялаг өв санг өнөө хүртэл хадгалж, улам баяжуулан хөгжүүлсээр байгаа маань бид бүхний зүй ёсны бахархал мөн.

6 дугаар зүйл. Монгол Улсын иргэний сонгох, сонгогдох эрх

6.7.Монгол Улсын дипломат төлөөлөгчийн газар байрладаг гадаад улсад байгаа, улсын бүртгэлд бүртгэгдсэн сонгуулийн эрх бүхий иргэнийг иргэн сонгуульд оролцуулахдаа оролцоход дараах журмыг баримтална:

6.7.1.гадаад улсад байгаа сонгуулийн эрх бүхий иргэн сонгуульд оролцохоо мэдэгдэж бүртгүүлэн өөрийн биеэр ирж оролцох;

6.7.2.гадаад улсад байгаа сонгуулийн эрх бүхий иргэн зөвхөн сонгуульд оролцож байгаа нам, эвслийн төлөө саналаа өгөх;

6.7.3.гадаад улсад байгаа сонгуулийн эрх бүхий иргэний саналыг санал авах өдрөөс 15-аас доошгүй хоногийн өмнө урьдчилан авч, битүүмжлэн Сонгуулийн ерөнхий хороонд хүргүүлэх.

6.8.Монгол Улсын дипломат төлөөлөгчийн газар байрладаг гадаад улсад байгаа сонгуулийн эрх бүхий иргэдийг сонгуульд оролцуулах, иргэд сонгуульд оролцох, тэдний саналыг авахтай холбогдсон журмыг Сонгуулийн ерөнхий хороо, гадаад харилцааны асуудал эрхэлсэн Засгийн газрын гишүүн хамтран баталж, мөрдүүлнэ.

"ЭХ ОРНЫХОО ХӨГЖИЛД БИДНИЙ ОРОЛЦОО" СЭДЭВТ УУЛЗАЛТ, ЯРИЛЦЛАГА БОЛОВ.

Ерөнхий сайдын дэргэдэх Хилийн чанадад амьдарч буй Монгол Улсын иргэдтэй хамтран ажиллах Зөвлөлөөс “Гадаадад төгсөгч монгол Манлайлагч залуусын холбоо”, Америк дахь Монгол телевизийн “Гэртээ харья” нэвтрүүлэг, “Нью Сити" Гадаадад төгсөгчдийн холбоотой хамтран 2011 оны 12 дугаар сарын 09-ний өдөр Төрийн ордонд “Эх орныхоо хөгжилд бидний оролцоо" сэдэвт гадаадад сургууль төгсөгчдийн уулзалт, ярилцлагыг зохион байгууллаа.