СОНГОГЧ ТАНАА

Гадаад улсад байгаа сонгуулийн эрх бүхий
иргэдийн саналыг авах өдөр

2012-06-10

Сонгуульд оролцохоо мэдэгдэж
БҮРТГҮҮЛЭХ ХУГАЦАА: 2012.05.11 - 30
БҮРТГҮҮЛЭХ ГАЗАР: Өөрийн оршин суугаа улсад байгаа 
Монгол Улсын Элчин сайдын яам, Байнгын төлөөлөгчийн газар, 
Ерөнхий консулын газар, Консулын газар

ГАДААДАД БАЙГАА МОНГОЛ УЛСЫН ИРГЭД УИХ-ЫН СОНГУУЛЬД САНАЛ ӨГӨХ ТУХАЙ АСУУДЛААР ХЭВЛЭЛИЙН БАГА ХУРАЛ БОЛОВ

Гадаадад байгаа Монгол Улсын иргэд УИХ-ын сонгуульд санал өгөх тухай асуудлаар хэвлэлийн бага хурал 2012 оны 5 дугаар сарын 11-ний өдрийн 12.00 цагт ГХЯ-нд болов. Монгол Улсын ДТГ байрладаг гадаад улсад байгаа сонгуулийн эрх бүхий иргэдийг сонгуульд оролцуулах, тэдний саналыг авах, ажлыг зохион байгуулах комиссын дарга, ГХЯ-ны Төрийн нарийн бичгийн дарга Б.Батхишиг хэвлэлийн хурлын үеэр мэдээлэл хийж сурвалжлагчдын асуултад хариулав. Хэвлэлийн хуралд комиссын нарийн бичгийн дарга, ГХЯ-ны ТЗУГ-ийн захирал Б.Баярсайхан болон холбогдох албаны хүмүүс оролцов.

"МОНГОЛ ОРНЫ ХӨГЖИЛД" VIII ЧУУЛГА УУЛЗАЛТЫГ СТОКГОЛЬМ ХОТНОО ЗОХИОН БАЙГУУЛЛАА

Британийн Монголчуудын Холбоо ИБУИНВУ дахь Монгол Улсын Элчин сайдын яам хамтран гадаадад суралцагч Монгол залуусынхаа мэдлэг оюуныг эх орныхоо хөгжил дэвшилд хувь нэмэр оруулах нэгэн ундарга болгох зорилгоор "Монгол орны хөгжилд" чуулга уулзалтыг 2005 оноос хойш жил бүр уламжлал болгон зохиож ирсэн билээ.

Энэ жилийн VIII чуулга уулзалтыг “Өндөр технологи-Европын стандартыг нэвтрүүлэх боломж” сэдвийн дор Үндэсний Хөгжил Шинэтгэлийн Хороо, Монгол Улсаас ИБУИНВУ-д болон Шведийн Вант Улсад суугаа Элчин сайдын яамдууд, Европ- Монголын нийгэмлэг, Британийн Монголчуудын Холбоо, Швед дэх Монголчуудын Үндэcний Холбоо, Цахим Өртөө Холбоо зэрэг байгууллагууд хамтран өнгөрсөн амралтын өдрүүдэд Швед улсын нийслэл Стокгольм хотноо зохион байгуулав.

ТӨРИЙН АЛБАНЫ ЗӨВЛӨЛИЙН ДАРГА Ч.ЗҮМБЭРЭЛЛХАМ ГАДААДАД СУРГУУЛЬ ТӨГСӨГЧИДТЭЙ УУЛЗАЛТ ХИЙВ.

Гадаадад сургууль төгсөгчдийн холбоодын III зөвлөлдөх уулзалт 2012 оны 4 дүгээр сарын 25-нд боллоо. Уулзалт зөвлөгөөнд Төрийн албаны зөвлөлийн дарга Ч.Зүмбэрэллхам хүндэт зочноор уригдан оролцож, гадаадад сургууль төгссөн, ажиллаж амьдарч байгаад ирсэн Монгол Улсын иргэд Төрийн албаны шалгалтад хэрхэн яаж бэлтгэх, өгөх улмаар төрийн албанд орж ажиллах, түүнчлэн хилийн чанадаас онлайнаар сургалт авах болон шалгалт өгөх боломжийн талаар залуустай нээлттэй ярилцаж, тодорхой мэдээлэл өгч санал солилцлоо.

Мөн тус зөвлөлийн орон тооны гишүүн Д.Батбаяр, референт н.Сосорбарам нар оролцож залуусын асуултад хариулж нээлттэй хэлэлцүүлэг хийлээ.Түүнчлэн Засгийн газрын хэрэгжүүлэгч агентлаг Удирдлагын академийн дэд захирал доктор, профессор Ш.Батсүх, удирдлагын сэтгэл зүйн доктор Ч.Санжмятав нар оролцож, удаан хугацаагаар гадаадад амьдарсан иргэд эх орондоо эргэн ирж дасан зохицохтой холбогдсон зарим асуудлын талаар илтгэл тавьж, ярилцлага хийв.